د کابل ولایت سروبي ولسوالۍ یو شمېر ښوونځي له ترمیم وروسته ګټې اخیستنې ته وسپارل شول
د کابل ولایت پوهنې ریاست راپورونو له مخې، په دې وروستیو کې د سروبي ولسوالۍ د سروبي لېسه، د سروبي مرکزي منځنی ښوونځی، لومړی نمبر او شونده لومړني ښوونځي، چې د ۲ میلیونه ۲۳۵ زره او ۷۴۰ افغانیو په لګښت ترمیم شوي، بېرته ګټې اخیستنې ته وسپارل شول.
د یادو ښوونځیو د بیارغونې په چارو کې؛ د بامونو د اوسپنیز او کانکریټي پوښ ترمیم، د درسي خونو لپاره د دروازو جوړول، د احاطوي دېوالونو رغول، د دروازو-کړکیو رنګول او د ښیښو نصبول شامل دي.
