د کابل ولایت د پوهنې ریاست څارنې پلاوي د چهارآسیاب ولسوالۍ د تعلیمي بنسټونو له ودانیزو پروژو ارزونه وکړه
د کابل ولایت د پوهنې ریاست انجنیري څانګې پلاوي، د یوې همکارې د استازیو په ملتیا د چهارآسیاب ولسوالۍ له ۳ ترمیماتي پروژو تخنیکي ارزونه او څارنه ترسره کړه.
د حضرت عمر (رضیالله عنه) د لومړني ښوونځي احاطوي دېوال کارونه ۸۰ سلنه بشپړ شوي دي.
په اسماعیلخېل لومړني ښوونځي کې بیارغونې چارې د نقشې او BQ مطابق پر مخ نه وې تللې، له همدې امله لارښوونه وشوه، چې د پروژې پلي کول دې د یادې نقشې سره سم ترسره شي.
په ملکتوت منځني ښوونځي کې د ۱۳۲ متره مربع په مساحت د اوسپنیزو چتونو د نصب او ترمیم ۵۰سلنه کارونه بشپړ او د پروژې د پر وخت پای ته رسولو لپاره لازمې لارښوونې وشوې.
