د ښوونکو د روزنې او مسلکي پراختیا ریاست کې د ښوونکو د بستونو د آزموینې په تړاو کاري ناسته وشوه
د پوهنې وزارت او د ازموینو ملي ادارې تر منځ د لاسلیک شوې همکارۍ د هوکړې له مخې، په پام کې ده د ښوونکو د بستونو د آزموینې لپاره، د یاد وزارت په همکارۍ د ملي آزموینو د ادارې له خوا آزموینه واخیستل شي.
په هغه غونډه کې چې په همدې موخه د ښوونکو د ۸۰۰۰ بستونو رقابتي آزموینې لپاره د سوالونو چمتو کولو په موخه، د نصاب او مسلکي پراختیا د لوی ریاست استازو او اړوندو ادارو د علمي غړو په ګډون جوړه شوې وه، د ښوونکو د روزنې او مسلکي پراختیا رئیس مولوي محمد ابراهیم عمري او د دې ادارې نورو مسئولینو د موضوع په اړه هر اړخیز معلومات وړاندې کړل.
همدارنګه د غونډې په جریان کې د اړوندو څانګو هر علمي غړي ته دنده وسپارل شوه، چې پوښتنې د خپلې رشتې مطابق په مسلکي او علمي بڼه ترتیب او له قانوني لارو چارو وروسته یې اړوندو ادارو ته وسپاري.
