د پکتیکا ولایت په یو ښوونځي کې څو پروژې بشپړې شوې
د پکتیکا ولایت پوهنې ریاست د ځایي خلکو په مالي مرسته، د ۱۲۴ زره افغانیو په لګښت د ژورې څاه کیندلو، لمریزو تختو نصبولو او نورو اړوندو تخنیکي تجهیزاتو پروژې بشپړې کړې، چې په پایله کې یې د یاد ولایت ارګون ولسوالۍ د بالش عالي لېسې چمنونو اړتیاوې د اوبو چمتو کولو او خړوبولو له اړخه بشپړې کړې.
دغه پروژې نه یوازې د لېسې دننه د څښاک اوبو ستونزه حل کړې، بلکې د شنو چمنونو لپاره یې زمینه هم برابره کړې، چې د زدهکوونکو لپاره به د زدهکړې یو آرام او شین چاپېریال رامنځته کړي.
