د پکتیا د پوهنې په ریاست کې د ( AFMIS) پروګرام پیل شو
د پوهنې وزارت_پکتیا: د ټول هیواد په کچه په لومړي ځل د پکتیا په پوهنې ریاست کې د CBA برنامې پر مټ د AFMIS پروګرام پیل شو .
د پکتیا په پوهنې ریاست کې د مالي چارو د ښه تنظیم او چټکتیا په موخه د ظرفیت لوړولو فعالیت برنامې (CBA) له لوري د AFMIS پروګرام پیل شو. له یاد پروګرام څخه به د ټول هیواد په کچه د اقتصادي چارو د تنظیم او مالوماتو لپاره ګټه اخستل کیږي.
د پوهنې رئیس استاد کوچي ځاځي په همدې مناسبت وویل : د دې پروګرام په پلي کولو سره به د پوهنې ریاست مالي چارې به د پخوا په پرتله ډیرې چټکې شي، زمونږ ټول مصارف، د ښوونکو معاشات او نور ټول هغه مسایل چې مالي برخه په کې رول لري د یوه ځانګړي سافټویر له لوري په منظم ډول پر مخ وړل کیږي.
ددې تر څنګ د پکتیا ولایت مرستیال والي الحاج عبدالولي سهي هم دا پروګرام ګټور وباله او ظرفیت لوړونې فعالیت د برنامې له استازو سربېره له نورو ټول هغو اشخاصو یې مننه وکړه چې ددې پروګرام په راوړلو او ترتیب کولو کې یې همکاري کړې وه.
