د پوهنې وزیر ډاکتر بلخي په شتون کې د بادغیس ولایت پوهنې رییس د کړنو ارزونه تر سره شوه
پوهنې وزارت- کابل: د ولایتي پوهنې رییسانو د فعالیتونو ارزونو په دوام دا ځل د ډاکتر محمد میرویس بلخي په شتون کې د بادغیس ولایت پوهنې رییس ذکریا رحیمي کړنې و ارزول شوي.
د ارزونې دغه پروسه د ولایتي ښوونې او روزنې ریاستونو د پروخت او یو شان کړنو د تطبیق ډاډ ترلاسه کولو لپاره ترسره کیږي ، چې د ملکي خدمتونو کارکونکو قانون ته په کتو تر سره کیږی.
د ولایتي پوهنې رییسانو کړنې او لاسته راوړنې د اداری اصلاحاتو او ملکی خدماتو کمسیون د نظارت کوونکو کارپوهانو په شتون کې تر سره کیږي.
دا ارزونې د دندې تشو او نیمګړتیاو په پیژندلو ، د سمون په موخه د ګامونو په اخیستو او همدارنګه د ولایتي پوهنې رییسانو مثبتو فعالیتونو د ستایلو او هڅولو په موخه تر سره کیږي.
د یادونې وړ ده چې له دې نه مخکې د کاپیسا، لغمان او کابل ښار پوهنې رییسان کړنې د پوهنې وزیر په حضور کي ارزول شوی دي.
