د پوهنې وزارت پلاوی په رسمي سفر مالیزیا ته ولاړ
د پوهنې وزارت د مقام د دفتر لوی رئیس الحاج مولوي شهاب الدین «ثاقب» په مشرۍ د یاد وزارت یو مهم پلاوی د یو رسمي سفر په ترڅ کې مالیزیا ته ورسېد.
دغه پلاوی به د خپل سفر په لړ کې د مالیزیا هېواد د پوهنې له مسئولینو، علماءکرامو، د مدارسو او مکتبونو له مدرسینو او استادانو سره په کتنه کې، د افغانستان د ښوونيز وضعيت، لاسته راوړنو، فرصتونو او ننګونو په تړاو هراړخیز معلومات وړاندې کړي او هم به د یاد هېواد د بېلابېلو ښوونیزو بنسټونو له مهمو او کلیدي مشرانو سره خبرې اترې ترسره او نظرونه تبادله کړي.
د یادونې ده چې په دغو کتنو کې به د دواړو هېوادونو د پوهنې مسئولین خپلې علمي تجربې هم یو له بل سره شریکې او په یاده برخه کې به د دوه اړخیزو همکاریو په تړاو بحثونه وکړي.
