د پوهنې وزارت مشرتابه او USAID په یوه ګډه غونډه کې د ACR درسي کتابونو پروژې په اړه خبرې اترې وکړې
پوهنې وزارت- کابل: پوهنې وزارت مشرتابه له USAID سره د ښوونځي څخه وړاندې د ماشومانو لوستلو نمونو او موډلونو په اړه ګډه غونډه تر سره کړه.
دا غونډه چې د پوهنې وزارت په کوربه توب تر سره شوه، دواړو لورو د ښوونیز نصاب او د ماشومانو په ځانګړې ډول د ښوونځي دورې څخه وړاندې د لوستلو نمونو کارولو او د ټولګي اصولو په برخه کې په دوه اړخیزه همکارۍ خبرې اترې وکړې.
په دې غونډه کې پوهنې وزیر ډاکتر محمدمیرویس بلخي وویل چې له دې وړاندې هم مونږ د (The Afghan Children Read) ACR کاري ټيم سره غونډه تر سره کړې وه او د پوهنې وزارت مشرتابه خپل وړاندیزونه ACR ته استولي دي.
د USAID ټيم څخه ښاغلي پیټر ټينګار وکړ چې په دې برخه کې به د پوهنې وزارت سره لازمې مرستې وشي.
همدارنګه د ۳۷ میلیونه ټوکه درسي کتابونو چاپ او ویش چې اوسمهال د ملي تدارکاتو په پروسې کې دۍ، د دې غونډې د بحث یوه موضوع وه.
