د پوهنې وزارت سرپرست د کابل ښار د ج/هادي مدرسې اړوند د ط/البانو او فاضلانو له آزموینې بهیر څخه لیدنه وکړه
د پوهنې او لوړو زده کړو وزارتونو ګډې کمېټې د یوې ځانګړې کړنلارې له مخې، نن هم د ټول هېواد په ۳۴ ولایتونو کې د خصوصي مدارسو د ط/البانو او فاضلانو د خامسه، عالمیه او عالیه درجو د آزموينو لړۍ دوام درلود.
په همدې اساس د یادو آزموینو د څارنې په موخه، نن سهار د پوهنې وزارت سرپرست الحاج مولوي حبيب الله آغا د یو شمېر مسئولینو په ملتيا د کابل ښار د ج/هادي مدرسې د ط/البانو او فاضلانو د خامسه، عالیه او عالمیه درجو له آزموینې بهیر څخه لیدنه وکړه.
د پوهنې وزارت سرپرست د هېواد په کچه د پوهنې او لوړو زده کړو وزارتونو د ګډې کمېټې له لوري د یادو آزموینو له منظم بهیرڅخه خوښي څرګنده کړه.
دغه راز نوموړي له مسئولينو وغوښتل، ترڅو د آزموينې د اخيستلو او د ط/البانو د علمي سویو د څېړلو په برخه کې د پوهنې وزارت اصول په پام کې ونیسي.
د مسئولینو په وينا، د پوهنې او لوړو زده كړو وزارتونو له لوري به هغو ط/البانو ته چې په ياده آزموينه كې معياري نمرې ترلاسه كړي، د فراغت تعلیمي او تحصیلي سندونه وركړل شي.
