د پوهنې وزارت سرپرست د کابل ولايت له يو شمېر ښوونيزو بنسټونو څخه ليدنه وکړه
د پوهنې وزارت سرپرست الحاج مولوي حبيب الله آغا د کابل ولايت بګراميو ولسوالۍ اړوند له افغان دارالعلوم، حسين خېل عالي لېسې او اشراق خصوصي ښوونځي د ښوونيز وضعيت څخه ليدنه وکړه.
په پيل کې د پوهنې وزارت سرپرست يادو ښوونيزو بنسټونو ته په داخلېدو سره د پوهنې آمرينو، ښوونکو او زده کوونکو له تود هرکلي سره مخامخ شو.
همدارنګه نوموړي د يادو تعليمي بنسټونو له مسئولینو او ښوونکو سره په کتنه کې، د ښوونيز وضعيت لاښه والي او تعليمي کيفيت پر لوړوالي ټينګار وکړ او اړوندو مسئولينو ته يې د پوهنيزو مسایلو په اړه رغنده مشورې ورکړې.
