د پوهنې وزارت سرپرستې د ۱۳۹۹ کال د کانکور آزموینې د درې ستورو څخه ستاینه وکړه
د پوهنې وزارت، کابل: د ۱۳۹۹ کال د کانکور آزموینې درې ستورو ته د ستاینې مراسم د پوهنې وزارت سرپرستې آغلې رنگینه حمیدي او د دغه وزارت د مشرتابه غړو په شتون کې د پوهنې په وزارت کې د خلکو د لوی شمیر استازو په شتون کې ترسره شول.
شمسیه د محمد نسیم لور، د محمد آصف مایل عالي لیسې زده کونکی، نعمت الله، د حکیم ناصر خسرو بلخي عالي لیسې زده کوونکی، او محمد مجتبی د دوغ آباد عالي لیسې زده کونکي، چې سږکال د کانکور آزموینه کې د برخه اخیستونکو په منځ کې لوړې نمرې ترلاسه کړې.
آغلې رنګینه حمیدي د زده کړې په برخه کې د زده کونکو هڅې وستایلې او هغوی یې د هیواد د ماشومانو او راتلونکي نسل زده کړې لپاره یوه بیلګه وګڼله او د زده کونکو له والدینو څخه يې د هغوی د هڅو له امله مننه وکړه.
میرمن شمسیه د پوهنې وزارت د مشرتابه د ستاینې له امله د پوهنې وزارت له رهبرۍ مننه وکړه او له پوهنې وزارت څخه یې وغوښتل چې د هېواد د ماشومانو د تعلیم په برخه کې جدي پاملرنه وکړي.
آغلې حمیدي ژمنه وکړه چې د پوهنې وزارت د خدمتګار په توګه دوی ته د پرمختګ لاره پرانیزي.
آغلې حمیدي وویل چې ښوونه او روزنه د ټولو منل شوي حق دی او ټینګار یې وکړ چې د پوهنې وزارت به د ټولو لپاره دغوره ښوونې او روزنې د برابرولو په برخه کې په جدي ډول کار وکړي
