د پوهنې وزارت د کارمندانو د کار د پیل په اړه د پوهنې په وزارت کې غونډه ترسره شوه
د پوهنې وزارت د سرپرست وزیر محترم شیخ الحدیث نورالله (منیر) په مشرۍ په داسې حال کې چې د وزارت اړوند ریاستونو مسئولین او د ا.ا.ا د ښوونې او روزنې د کمیسیون غړو هم په کې ګډون کړی وو جوړه شوه.
غونډه د څو مبارکو آیتونو په تلاوت سره پیل شوه.
په لومړي سر کې د پوهنې سرپرست وزیر خبرې وکړې او ټینګار یې وکړ چې د هیواد د بچیانو روزنه باید په اسلامي او وطنپالنې په روحیه سره وشي او له رئیسانو او مسئولینو یې وغوښتل چې په دې اړه جدي قدم واخلي.
ورپسې محترم مولوي کرامت الله آخندزاده د کار د پیل په اړه د وزارت د پریکړې په اړه وضاحت وکړ، چې دوشنبې له ورځې چې د روان کال د ١٤٠٠ د سنبلې دمیاشتې د (۲۹) مې چې د صفرالمظفر ١٤٤٣ د ۱۳ مې هجری قمري سره سمون لري د پوهنې وزارت ټول نارینه کارکوونکي خپلو دندو ته حاضر شي همدا راز په ځینو اړوند نورو مسائلو هم بحث وشو.
غونډه د دعا په ویلو سره پای ته ورسیده.
