د پوهنې وزارت د څارنې او ارزونې ریاست پلاوی پنجشېر ولایت ته ولاړ
د کارپوهانو او روزونکو په ګډون د پوهنې وزارت د څارنې او ارزونې ریاست پینځه کسیزه پلاوی، د پنجشېر ولایت پوهنې ریاست، د ولسوالیو پوهنې آمریتونو او یو شمېر ښوونځيو اداري غړو لپاره د روزنیز ورکشاپ جوړولو، د عملیاتي پلانونو بیاکتنې، څارنې او یو شمېر نورو ښوونیزو پروګرامونو جوړولو په موخه همدغه ولایت ته ورسېد.
یاد پلاوي د پنجشېر له پوهنې رئیس مفتي حبیب الله نوري قتاده او مسئولینو سره په کتنه کې د خپل سفر اساسي موخه تشرېح کړه او د تطبیق په برخه کې یې د دغه ولایت د پوهنې ریاست له رهبرۍ څخه د همکارۍ غوښتنه وکړه.
بل خوا د ياد ولايت پوهنې رئيس د پلاوي د سفر د آجنډا په پلي کولو کې له دوی سره د همکارۍ ژمنه وکړه.
