د پوهنې وزارت د څارنې او ارزونې رئیس بلخ ولایت ته رسمي سفر وکړ
د پوهنې وزارت د څارنې او ارزونې د رئیس مولوي غلام ربي رباني په مشرۍ یو پلاوی بلخ ولایت ته ورسېد. په پيل کې نوموړي په هغه غونډه کې چې د بلخ پوهنې ریاست په انګړ کې جوړه شوې وه، د یاد ولایت پوهنې رئیس مفتي محمد شریف عثماني، د مرکزي څانګو آمرینو او عمومي مدیرانو سره د کتنې پر مهال لنډه وینا وکړه او د خپل سفر اساسي موخه یې په تېر کال کې د همدغه ولایت د پوهنې ریاست له اداري او تدریسي کړنو کتنه وبلله. د بلخ پوهنې رياست مسئولينو هم ياد پلاوي ته د ښه راغلاست ترڅنګ، د هر اړخيزو همکاريو ژمنه وکړه.
