د پوهنې وزارت د مالیې او محاسبې رئیس غور ولایت ته په رسمي سفر ولاړ
د افغانستان.ا.ا. عالي مقام د مشرتابه د لارښوونې په بنسټ، د پوهنې وزارت د مالیې او محاسبې رئیس مولوي صدرالدین سعد د هېواد دیني مدارسو لپاره د لیلیو جوړولو په موخه، غور ولایت ته په رسمي سفر ولاړ.
دغه راز نوموړي د ولایت مقام له مشرتابه، پوهنې رئیس، د یو شمېر ادارو له مسئولینو او علماوو سره د لیدنې پر مهال، په ولایتونو کې د دیني مدارسو لپاره د لیلیو جوړولو په تړاو معلومات وړاندې کړل.
ورپسې پلاوی د یاد ولایت دولینه شهرک، توام، ساغر تیوره او پسابند ولسوالیو ته ولاړ او د يادو ولسواليو له علماوو، ښوونکو او د پوهنې له مسئولينو سره يې د مدارسو لپاره د ليليو جوړولو په اړه بحث او خبرې وکړې.
له بلې خوا علماوو، استادانو او د خلکو استازو د.ا.ا.ا. له عالي مشرتابه او د پوهنې وزارت له پروګرامونو څخه تود هرکلی وکړ او خپل ملاتړ یې اعلان کړ.
