د پوهنې وزارت د مالي او حسابداري ریاست پلاوي ننګرهار ولایت ته رسمي سفر وکړ
د همایون نورزي په مشرۍ د پوهنې وزارت د مالي او حسابداري ریاست بودیجې آمریت پلاوی، د یو رسمي سفر په ترڅ کې ننګرهار ولایت ته ورسېد.
نوموړي د یاد ولايت د پوهنې له رئيس مولوي عزيزالله مصطفى سره په کتنه کې، د دغه پلاوي د سفر اساسي موخه، د افميس سيسټم پرانیستل، د پوهنې رياست لپاره د ځانګړي مالي او حسابداري پروګرام جوړونه، د یاد ریاست د لګښتونو په اړه راپور اخیستنه او د خصوصي مدارسو د استادانو د معاشونو ستونزو هوارول وبلل.
له بلې خوا د ننګرهار پوهنې رئیس د ورغلي پلاوي څخه د هرکلي ترڅنګ، دوی ته د پوهنې ریاست له لوري د لازمو آسانتیاوو برابرولو ډاډ ورکړ.
