د پوهنې وزارت د دعوت او ارشاد ریاست پلاوی خوست ولایت ته په رسمي سفر ولاړ
د مولوي محمد نعیم عمیر په مشرۍ د پوهنې وزارت د دعوت او ارشاد ریاست پلاوی د یو رسمي سفر په ترڅ کې خوست ولایت ته ورسېد.
په پيل کې یاد پلاوي له پوهنې رئیس مولوي فیض الله جمال حقاني او د یاد ریاست د یو شمېر کلیدي څانګو له آمرینو سره وکتل.
په دغه کتنه کې یاد پلاوي د خپل سفر موخه څرګنده کړه او له پوهنې مسئولینو يې وغوښتل چې ښوونکو او زده کوونکو ته هره ورځ د نيم ساعت لپاره د اسلام اساساتو کتاب تدريس کړي او د ټولو ښوونیزو بنسټونو کارکوونکي، ښوونکي او زده کوونکي باید خپل صورت او سیرت د اسلام د ستر پیغمبر حضرت محمد«صلی الله علیه وسلم» په سنتو برابر کړي.
.له بلې خوا د خوست پوهنې رئیس د ورغلي پلاوي له سفر څخه د هرکلي ترڅنګ، د دعوت او ارشاد ریاست د ټولو لارښوونو او پلانونو د پلي کېدو ډاډ ورکړ.
