د پوهنې وزارت د دعوت او ارشاد ریاست له کړنو "اوونیز راپور"
د پوهنې وزارت د دعوت او ارشاد د رئیس محترم الحاج مولوي جمعه خان "سروري" په لارښوونه، تېره اوونۍ د مرکزي هستې ټولو کارکوونکو ته د دیني درسونو لړۍ په نورمال ډول روانه وه.
په ورته مهال د ولایتونو له پوهنې ریاستونو، د کابل ښار پوهنې ریاست او د کابل ولایت پوهنې ریاست څخه ترلاسه شوي راپورونه ښيي چې؛
په تېره اوونۍ کې له ټاکل شوي مهالوېش سره سم، د ښوونیزو مرکزونو منسوبینو ته د دعوت او ارشاد درسونو دوام درلود؛ لکه د پخوا په څېر، په مرکزي هسته کې د یو شمېر ریاستونو د کارکوونکو وضعیت له نږدې وارزول شو او هغوی ته اړینې سپارښتنې وشوې.
