د پوهنې وزارت د دعوت او ارشاد ریاست د کړنو "اوونیز راپور
د پوهني وزارت د دعوت او ارشاد ریاست له هدایت سره سم تېره اوونۍ د پوهنې وزارت د مرکزي هستې ټولو کارکونکو ته د دیني درسونو لړۍ دوام درلود او د یادې اوونۍ په درشل کې د مولوي ګلبدین لخوا ټولو منسوبینو او کارکوونکو ته اصلاحي وینا ترسره شوه.
همدارنګه نوموړي د پوهنې وزارت له ټولو منسوبینو څخه وغوښتل، تر څو خپلو مسئولیتونو او دندو ته په جدي ډول متوجې واوسي او د مراجعینو کارونه پرته له ځنډ څخه په ټاکلي وخت سرته ورسوي.
دغه راز له ولایتونو څخه را رسېدلي خبرونه ښیي چې؛ د دعوت او ارشاد ریاست د پلان له مخې د پوهنې ټولو کارکوونکو ته د دیني درسونو لړۍ په نورمال ډول روانه وه.
