د پوهنې وزارت د دعوت او ارشاد ریاست د کړنو «اوونیز راپور»
له شنبې ۱۴۴۶/٣/۱۵هجري قمري تر پنجشنبې ۱۴۴۶/٣/٢هجري قمري، چې ( دتلې میاشتې له ۷مې تر۱۲ مې نېټې۱۴۰۳ لمریز کال)
د پوهنې وزارت د دعوت او ارشاد ریاست پلاوي هر یو مولوي بسم الله احسان او اجمل په تېره اوونۍ کې، د کابل ښار یوولسمې ښوونیزې ناحیې له بېلابېلو خصوصي ښوونیزو بنسټونو لکه: ټیسول، تاج، بیدارګران، آسیا اکاډمي، روشنایی علم، آذرخش جوان، بون سای، ستاره نوین او نوين خصوصي ښوونځي څخه لیدنه وکړه او د هغوی تعلیمي وضیعت یې وارزاوه.
همدارنګه د دعوت او ارشاد ریاست مبلغینو د یادو ښوونیزو بنسټونو مسئولینو ته په یو شمېر پوهنیزو برخو کې د نیمګړتیاوو له منځه وړلو او د ښوونیزو چارو لاښه والي په موخه لازمې سپارښتنې وکړې.
له بلي خوا د یادو بنسټونو مسئولینو د پوهنې وزارت د دعوت او ارشاد ریاست د پلاوي له ورتګ څخه خوښي څرګنده او ژمنه یې وکړه، چې د یاد ریاست د لارښوونو سره سم به خپلې ورځنۍ چارې ترسره کړي،
همد راز د پوهنې وزارت ددعوت اوارشاد ریاست رئيس مولوی جمعه خان سروري صاحب دامر بالمعروف اونهي عن المنګر له عمومي رئيس سره وکتل او له نوموړي سره یې د یو شمېر مهمو موضوعاتو په تړاو تفصیلي خبرې وکړې.
په ورته مهال د پوهنې وزارت د مرکزي هستې اړوندو کارکوونکو ته د دیني درسونو لړۍ په نورمال ډول روانه وه.
دغه راز د پوهنې وزارت د دعوت او ارشاد ریاست په لارښوونه، له ټاکل شوي مهالوېش سره سم هره ورځ د مرکز او ولایتونو په ښوونیزو بنسټونو کې دیني درسونو دوام لري او د یاد ریاست د مبلغینو له لوري د هغوی درسي بهیر هم له نیږدې څارل شوی دی.
