د پوهنې وزارت د دعوت او ارشاد رياست پلاوي کندهار ولايت ته رسمي سفر وکړ
د پوهنې وزارت د دعوت او ارشاد رياست پلاوي د مولوي بسم الله حسان په مشرۍ کندهار ولایت ته سفر وکړ او هلته يې د پوهنې ریاست له چارواکو، کارکوونکو او د خصوصي ښوونځیو له مسوولينو سره وکتل.
د دعوت او ارشاد رياست پلاوي د کندهار پوهنې ریاست کارکوونکو او منسوبينو ته په خپله ارشادي وینا کې د اخلاص، امانتدارۍ، وظیفوي مسوولیتونو د ښه ترسره کولو، له مراجعینو سره د نېک چلند، اسلامي اخلاقو او د اسلامي امارت د اصولو او ارزښتونو د عملي کولو پر اهمیت ټینګار وکړ.
همدارنګه هغوى د شیرزاد او بهار خصوصي لېسو څخه لیدنه وکړه، د دغو ښوونځیو د ښوونیز او اداري بهیر ارزونه یې وکړه او ښوونکو ته یې د تدریسي کیفیت لوړولو، د زدهکوونکو د سالمې روزنې، نظم، انضباط او د پوهنې وزارت د اصولو او کړنلارو د بشپړ تطبیق په اړه لازمې سپارښتنې وکړې.
د یادو لېسو مسوولینو د نوموړي پلاوي له لیدنې مننه وکړه او ډاډ یې ورکړ چې وړاندې شوې سپارښتنې به په بشپړ ډول پلې کړي.
