د پوهنې وزارت د دعوت او ارشاد رئیس د بلخ ولایت له پوهنې مسئولینو سره وکتل
د پوهنې وزارت د دعوت او ارشاد رئیس محترم الحاج مولوي صاحب جمعه خان سروري او ورسره مل پلاوي د ښوونیزو پروګرامونو له تطبیق څخه د څارنې او د یاد ریاست کارکوونکو ته د ښوونیز نصاب د تدریس په موخه بلخ ولایت ته ولاړ.
په پيل کې نوموړي د بلخ له پوهنې رئیس سره وکتل او د خپل سفر د موخو په اړه یې ورسره خبرې اترې وکړې.
په پلان کې ده چې یاد پلاوی به د پوهنې وزارت د دعوت او ارشاد رياست د پروګرامونو څخه د څارنې ترڅنګ، د مزارشريف ښار د پوهنې له مرکزي او ښاري مسئولينو سره هم وګوري.
