د پوهنې وزارت د تشکیلاتو رئیس د کابل ښار يو شمېر مدارسو پر تشکيلاتي چارو بیاکتنه وکړه
د پوهنې وزارت د خالي بستونو د تثبیت او د همغږۍ کمېټې رئیس مفتي عبدالحلیم «حلیمي» او ورسره مل پلاوي، د کابل ښار شپږمې ناحیې اړوند د قلعه وزیر مدارسو تشکیلاتي چارې بیا وکتلې.
دا په داسې حال کې ده، چې د یادې ښوونیزې ناحیې کاري ټیمونو هم حضور درلود.
پلاوي د خپلو کتنو اساسي موخه د خالي بستونو تثبیت، د ښوونکو کمښت، د اضافي بستونو د انتقال او نورو تشکيلاتي ستونزو هوارول وبلل او د ښوونیزو مرکزونو مسئولینو ته يې د يادو نيمګړتياوو د حل ډاډ ورکړ.
