د پوهنې وزارت د بودیجې کمېټې غونډه جوړه شوه
د پوهنې وزارت د بودیجې کمېټې غونډه، د یاد وزارت د سرچینو او ادارې د معین مولوي صبغت الله وصیل په مشرۍ، د مالي او حسابداري، خدمتونو، تدارکاتو، د ښوونځیو د ملکیتونو د رئیسانو او کارپوهانو په ګډون جوړه شوه.
د آجنډا سره سم په یاده غونډه کې د ۱۴۰۳ لېږدیز لمریز کال د بودیجې د وېش او مصرف، مالي مسایلو، تدارکاتو، تمویل، ارزونې او د پوهنې وزارت د پروژو د څرنګوالي په اړه هراړخیز او مسلکي بحثونه وشول، چې د یو لړ وړاندیزونو او د نظریاتو له تبادلې وروسته لازمې پرېکړې وشوې.
غونډه د دعائیې په لوستلو سره پای ته ورسېده.
