د پوهنې وزارت د اسلامي زده کړو معینیت له لوري د دیني مدارسو د احصائیې راټولولو په موخه غونډه جوړه شوه
په یاده غونډه کې د پوهنې وزارت د اسلامي زده کړو معین الحاج مولوي کرامت الله آخندزاده، د یاد وزارت د احصائیې رئیس مولوي بسم الله نعماني او یو شمېر کارپوهانو حضور درلود.
په پیل کې د پوهنې وزارت د اسلامي زده کړو معین د دیني مدارسو احصائیې راټولول خورا اړین وبلل او اړوندو مسئولینو ته یې لارښوونه وکړه، تر څو د دیني مدارسو، دارالحفاظونو او دارالعلومونو احصائیې راټولولو په موخه ځانګړي فورمونه جوړ او پر بنسټ یې له ولایتونه دقیقه احصائیه راټوله کړي.
ورپسې د پوهنې وزارت د معلوماتو او احصائیې رئیس هم د موضوع په اړه خپل نظر څرګند او مسئولینو ته یې په یاده برخه کې د هر ډول همکاریو ډاډ ورکړ.
غونډه د دعائیې په لوستلو سره پای ته ورسېده.
