د پوهنې وزارت د اساسي او ثانوي زده کړو رئیس کونړ ولایت ته رسمي سفر وکړ
د پوهنې وزارت د اساسي او ثانوي زده کړو رئیس محترم مولوي سید موسی جان یاسین، د یوه رسمي سفر په ترڅ کې کونړ ولایت ته لاړ او هلته یې د یاد ولایت له پوهنې مسوولینو سره په کتنه کې د ښوونې او روزنې د وضعیت، په مدارسو او ښوونځیو کې د تعلیمي وړتیاوو لوړولو او اړوندو موضوعاتو په اړه خبرې وکړې.
وروسته یاد پلاوي د کونړ ولایت وټهپور ولسوالۍ ته هم سفر وکړ او په یاده ولسوالۍ کې یې له یو شمېر دیني مدارسو او ښوونځیو څخه لیدنه وکړه.
