د پوهنې وزارت د احصائیې او معلوماتو رئیس اروزګان ولایت ته رسمي سفر وکړ
د پوهنې وزارت د احصائیې او معلوماتو رئیس الحاج مولوي بسم الله نعماني د یاد وزارت له متخصصینو او تخنیکي ټیم سره په ګډه، د اروزګان ولایت د مرکز او ولسوالیو اړوند د ۲۲۲ تنو آمرینو لپاره د احصائیې او معلوماتو راټولولو په موخه سیمینار پرانیست.
په پیل کې د یاد ولایت پوهنې رئیس ګډون والو ته د ښه راغلاست په ترڅ کې، د دغه ولایت د پوهنې د احصائیې څانګې مسئولینو لپاره د یاد سیمینار له جوړېدو څخه خوښي څرګنده کړه او د احصائیوي برخي د کارکوونکو د وړتیا لوړولو په تړاو یې د پوهنې ریاست د مشرتابه له پاملرنې څخه مننه وکړه.
ورپسې د یاد وزارت د احصائیې او معلوماتو رئیس هم د سیمینار د اړوندو موضوعاتو په اړه خبرې وکړې او له ګډون والو یې وغوښتل چې د دغه سیمینار له محتوا څخه اعظمي ګټه پورته کړي.
