د پوهنې وزارت خبرتیا

(د دیني مدارسو، ج/هادي مدارسو او عالمیه، عالیه، مافوق ثانويه او ثانويه مرحلو د ۱۴۴۷ هـ.ق کال مشترکو ازموینو په تړاو)

په پلان کې ده، چې د ټولو ولایتونو د خصوصي دیني او ج/هادي مدارسو د فاضلانو او د عالمیه، عالیه، مافوق ثانويه او ثانويه دورو مشترکې ازموینې په یوه وخت کې، د پوهنې وزارت اسلامي زده‌کړو معینیت او د لوړو زده‌کړو وزارت د تخصصاتو او جامعاتو لوی ریاست لخوا ترسره شي.
په همدې تړاو پرېکړه شوې، چې یاده مشترکه ازموینه به د ۱۴۴۷ هـ ق کال، رجب المرجب میاشتې په ۷مه نېټه، شنبې ورځ ـــ چې د  ۱۴۰۴ لمریز کال، مرغومي/ جدي میاشتې له ۶مې سره سمون لري، پیل شي او د شپږو ورځو لپاره به دوام ولري.

د پوهنې وزرات
د نشراتو او عامه اړیکو ریاست