د پوهنې لسیزې ستراتیژي سند نهايي شو
د پوهنې وزیر ډاکتر محمدمیرویس بلخي په شتون کې د پوهنې لسیزې ستراتیژي سند چې د افغانستان ښوونې او روزنې بنسټیزو اصلاحاتو په لاره کې یو له مهو او تاثیرلرونکو اسنادو څخه دی نهايي او وڅيړل شو.
پوهنې وزیر ډاکتر بلخي د پوهنې ستراتیژي سند د نهايي کیدو موخه یوې غوره زده کړې ته رسیدل یاد کړل.
پوهنې وزیر زده کوونکۍ، ښوونکۍ، ښوونیز نصاب، ښوونځۍ، اداره او شوراګانې د هیواد ښوونې او روزني په برخه کې ۶ اساسي عنصره یاد کړل او زیاته يې کړه چې د پوهنې په لسیزه کې غواړو د بنسټيزو اصلاحاتو په راوستو او پدې عناصرو کار له لارې یوه معیاري،استندرد او پرمختللې ښوونې او روزنې ته ورسیږو.
د یادونې وړ ده چې شمولیت، کیفیت او مدیریت د هیواد په زده کړه کې درې تاثیر لرونکې برخې دي چې د پوهنې لسیزې ستراتیژي سند کې ذکر شوي دي.
د یادولو وړ ده چې د پوهنې وزارت مشرتابه یوه ښوونیزه لسیزه چې له لمړي ټولګې څخه تر دولسم ټولګي پوري ۱۲ کاله کیږي د پوهنې لسیزې په نامه نومولې او د دې لسیزې په چوکاټ کې به د هیواد ښوونې او روزنې په برخه کې اساسي بدلون مینځ ته راشي.
