د پوهنې وزارت د مرکزي رئیسانو اونیز اداري مجلس دایر شو
د پوهنې وزارت دمرکزي رئیسانو اونیز (۳۷) نمبر اداري مجلس د یاد وزارت د ښوونې او روزنې د معین الحاج مولوي سخاءالله سعید په مشري دایر شو.
یاد مجلس چې د قرآنکریم د څو مبارکو ایاتونو په تلاوت سره پیل شو، پکې په ښوونځیو، مدارسو او نوروو تعلیمي مراکزو کې د مطبوع قرطاسیه جاتو لکه د حاضري او ترقي تعلیم دکتابونو، د نتایج د جدولونو، شقو، اطلاعنامو، سه پارچو، ترانسکریپونو، تقدیرنامو او داسې نورو اړینو توکو د کمښت د پوره کولو لپاره د عاجلو اقداماتو د ترسره کولو، له بهرنیو او کورنیو موسساتو او خیریه بنسټونو سره د تفاهم نامو تر لاسلیک کېدلو وړاندې د موجودو مراحلو د را لنډولو او دې ته ورته نورو مسایلو په اړه تفصیلي بحثونه وشول. غونډه د دعائیې په لوستلو سره پای ته ورسیده.
