د ٥٠٠ زرو ډالرو په ارزښت د سعودي عربستان مرستې پوهنې وزارت ته وسپارل شوې
پوهنې وزارت:د ٥٠٠ زرو ډالرو په ارزښت د سعودي عربستان مرستې په کابل کې د نوموړي هیواد سفیر ښاغلي جاسم محمد الخالدي لخوا د پوهنې وزیر ښاغلي داکتر محمد میرویس بلخی ته د یو لړ مراسمو په ترڅ کې وسپارل شوې د پوهنې وزیر د سعودي عربستان له مرستو چې د عربي زده کړې ٩٩ زره ټوکه کتابونه،د دفتر تجهیزات او ٨ عراده موتر شامل دي مننه او کور ودانی وکړ ورورسته ښاغلي جاسم محمد الخالدی د ښوونې او روزنې په برخه کې د خپل هیواد د مرستو په دوام ټینګار وکړ زیاته يې کړه: هیواد به یې افغانستان سره د معیاری ښوونې او روزنې په برخه کې خپلې مرستې جاري وساتي د یادولو وړ ده چې نوموړی کتابونه به په لومړي قدم کې په ننګرهار،هرات او نږدی ولایتونو کی توزیع شي او د امکان تر حده به هڅه وشي چې نوموړي کتابونه به د اسلامي زده کړو مرکزونو ته هم ورسول شوي.
