د ولایتونو ځینو خبرونو ته کتنه
بادغیس
د بادغیس ولایت پوهنې رئیس محترم الحاج مولوي محب الله احسان له خوا، د یاد ولایت د ولسوالیو پوهنې آمرینو ته ۸ عرادې موټرسایکلونه ووېشل شول.
کاپیسا
د پوهنې یوې مرستندویه ادارې، د کاپیسا ولایت تګاب او حصه اول ولسوالیو د سیمه ییزو ښوونځیو زدهکوونکو ته درسي کتابونه، قرطاسیه او د ښوونکو درسي مواد ووېشل.
خوست
د خوست ولایت د نادرشاه کوټ ولسوالۍ عام ولس په مرسته، د یادې ولسوالۍ لېسې لپاره لمریزې بریښنا سیسټم نصب او فعال شو.
هرات
د هرات ولایت فرسي ولسوالۍ اړوند د رباط ژاله کلي په احیاء العلوم مدرسه کې، د ۳ بابه نویو درسي خونو بنسټ ډبره، د یاد ولایت پوهنې رئیس محترم مولوي رحمت الله جابر له خوا، د ۴۰۰ زره افغانیو په لګښت کېښودل شوه، کوم چې د همدغې ولسوالۍ د خلکو لخوا ورکړل شوې دي.
