د ولایتونو له ښوونیزو کړنو څو لنډ خبرونه
کندهار
د دیني مدارسو د بستونو د وېش په برخه کې، د افغانستان.ا.ا مشرتابه د عالي مقام د فرمانونو او حکمونو د پلي کولو په موخه، د کندهار ولایت د پوهنې مسئولینو، د مدارسو د مهتممینو او دیني علماوو په ګډون غونډه جوړه شوه.
په یاده غونډه کې د کندهار پوهنې رئیس الحاج مولوي فخرالدین نقشبندي وویل: په دیني مدارسو کې ټولې چارې او ګمارنې باید د افغانستان.ا.ا مشرتابه د عالي مقام د فرمانونو او حکمونو په بنسټ ترسره شي.
ننګرهار
د ننګرهار ولایت پوهنې رئیس مفتي حبیب حضرت حقاني او ورسره مل پلاوي، د یاد ولایت کوټ ولسوالۍ د یو شمېر ښوونځیو اداري او تدریسي چارې له نیږدې وکتلې او د ښوونیز نظام د معیاري کولو او ښوونیزو کړنو لاښه والي په موخه یې اړینې لارښوونې وکړې.
لوګر
د لوګر ولایت پوهنې ریاست د یو مرستندویه بنسټ په همکارۍ، د یاد ولایت د سواد زده کړې ریاست کارکوونکو او د ۵۴ بابه ښوونځیو ښوونکو ته د وړتیا لوړونې میتودیک سیمینار جوړ کړ او هغوی ته یې د بېلابېلو تدریسي میتودونو په اړه روزنه ورکړه.
