د ولایتونو له پوهنې ډګره څو لنډ خبرونه
- میدان وردګ:
د میدان وردګ ولایت دایمیرداد (جلګې) ولسوالۍ اړوند د ضیاءالمدارس دیني مدرسې سره، د ځایي خلکو له خوا د ۲۷۶۸۰ افغانیو مرسته شوې ده.
- لغمان:
د لغمان ولایت دولت شاه ولسوالۍ پوهنې آمریت کې د ښوونکو د ۱۳ خالي بستونو لپاره له ۸۹ نوماندانو څخه آزموینه واخیستل شوه.
- دایکنډي:
د دایکنډي ولایت په مرکز کې ۴۰ بابه ښوونځیو ته د نوي ښوونیز کال لپاره د اداري او درسي چارو ترسره کولو لپاره، ټولټال ۱۶ قلمه درسي توکي ووېشل شول، چې ۲۷۷۷ ټوکه کتابونه او نور اړین اداري کاغذونه پکې شامل وو.
- پکتیکا:
د پکتیکا ولایت پوهنې ریاست د ترانسپورټي ستونزو حل او آسانتیاوو رامنځته کولو په موخه، د پوهنې وزارت لخوا یو ټیوټا ډوله هایلکس موټر یاد ریاست ته وسپارل شو.
