د ولایتونو له پوهنې ډګره څو خبرونه
- بلخ:
د بلخ ولایت د ښوونځیو ۲۱۳ تنو مدیرانو او سرښوونکو ته «د مسلکي وړتیاوو پراختیا» تر سرلیک لاندې سیمینار جوړ شو.
د یاد ولايت پوهنې رئيس مفتي محمد شريف عثماني دغه سيمينار ګټور وباله او له ګډون والو يې وغوښتل، چې د خپلو زده کړو مهارتونو څخه د هېواد بچیانو د ښوونې او روزنې کچې لوړولو په برخه کې ګټه پورته کړي.
- پکتیکا:
د پکتیکا ولایت په ارګون ولسوالۍ کې د ۳۵ تنو ښوونکو لپاره د مسلکي وړتیاوو لوړولو یو ورځنی سیمینار جوړ شو.
- میدان وردګ:
د میدان وردګ ولایت پوهنې ریاست اداري کارکوونکو او مراجعینو ته د آسانتیاوو رامنځته کولو په موخه، د یاد ریاست اودس خونه، ترمیم او ګټې اخیستنې ته وسپارله.
