د ولایتونو له پوهنې څو لنډ خبرونه
لوګر
د لوګر ولایت په مرکز پل علم ښار کې د قلعه وزیر عالي لېسې لپاره د څښاک پاکو اوبو سیسټم د خلکو په مرسته د ۲۰ زره افغانیو په لګښت چمتو شو، چې په پایله کې د ۷۵۰ تنو څخه زیاتو زدهکوونکو او د ښوونځي کارکوونکو لپاره د پاکو اوبو آسانتیا برابره شوه.
میدان وردګ
د میدان وردګ ولایت جلریز ولسوالۍ د ذیولات عالي لېسې لپاره د عامو خلکو له لوري د ۱۱۵ زره افغانیو په لګښت سره، د څښاک پاکو اوبو یو حلقه څاه وکیندل شو.
پکتیکا
د پکتیکا ولایت چهاربران ولسوالۍ د اوسخېل لومړني ښوونځي لپاره د دوو درسي خونو جوړولو چارې، د ځايي خلکو او قومي مشرانو له خوا د ۱۲۰ زره افغانیو په مالي مرستې سره پیل شوې.
د پوهنې وزارت مشرتابه د پوهنیز نظام سره د هېوادوالو له مادي او معنوي مرستې مننه کوي.
