د ولایتونو له پوهنې څو لنډ خبرونه
- لوګر
د لوګر ولایت په مرکز پل علم ښار کې د قلعه ابراهیم خان ښوونځي لپاره د خلکو د مرستو په پایله کې، د ۵۵ زره ۶۰۰ افغانیو په لګښت د څښاک پاکو اوبو یو حلقه څاه وکیندل شوه او شاوخوا ۴۷۰ تنو زدهکوونکو او منسوبینو ته د پاکو اوبو آسانتیاوې رامنځته شوې.
- ننګرهار
د ننګرهار ولایت لایې او شهید نورمحمد ښوونځیو ته د پوهنې شوراګانو لخوا د ۱۱ زره افغانیو مالي مرسته ورکړل شوه، چې د ترمیم او پاکو اوبو ته د لاسرسي په برابرولو کې وکارول شوه.
- میدان وردګ
د حاجي بایي او حاجي عبدالروف په نومونو د دوو تنو اوسېدونکو په مالي مرسته، د میدان وردګ ولایت په مرکز میدان ښار کې د کهنه خمار عالي لېسې لپاره د لمریزې برېښنا سیسټم نصب او د پوهنې چارواکو په حضور کې پرانیستل شو.
د پوهنې وزارت مشرتابه د پوهنیز سیسټم په برخه کې د علم پروره ولس له مرستو مننه کوي.
