د ولایتونو له پوهنې ریاستونو څو لنډ خبرونه
ننگرهار
د ننګرهار ولایت شېرزادو ولسوالۍ څو تنو با احساسه او علم دوسته ځوانانو، په خپل شخصي لګښت (۶۶ زره افغانیو په ارزښت) د طوطو عالي لېسې زده کوونکو لپاره لس پایې کمپیوټرونه مرسته وکړه.
د یاد ولايت پوهنې رياست مشرتابه د دغو با احساسه ځوانانو ستاينه وکړه.
پروان
د پروان ولایت پوهنې ریاست د یاد ولایت په دیني مدراسو کې د ۱۴۵ استادانو د ګمارلو په موخه، د آزادې سیالۍ په ترڅ کې، له ۲۷۰ تنو (نارینه او ښځینه) وړ نوماندانو څخه آزموینه واخیسته.
کنړ
د کنړ ولایت پوهنې ریاست وایي: د یاد ولایت دیني مدارسو لپاره د نویو استادانو د ګمارلو لپاره ۹۰۰ بستونه ځانګړي شوي دي، چې د یادو بستونو وېش او تطبیق په تړاو، د دیني مدارسو له مسئولینو سره بحث او د نظرونو تبادله وشوه.
کابل
د کابل ښار پوهنې ریاست د یو لړ شاندارو مراسمو په ترڅ کې، د یاد ښارعالي لېسو په ۷۰۳ تنو فارغانو شهادتنامې ووېشلې.
د یاد رياست د ښووني او روزني آمر، فارغانو ته د مبارکۍ ورکولو پر مهال، له هغوى وغوښتل چي خپلو زده کړو ته دوام ورکړي.
