د ولایتونو له پوهنې ریاستونو څخه څو لنډ خبرونه
ننګرهار
د ننګرهار ولایت سرخرود ولسوالۍ علمپروره اوسېدونکو د ۱۷۹ زره۸۰۰ افغانیو په لګښت د شهید محمد اشرف عالي لېسې لپاره د لمریزې انرژۍ او څښاک پاکو اوبو سیسټمونه نصب او فعال کړل.
د یو بل خبر له مخې
د مسلکي ښوونکو له نویو تدریسي مېتودونو او تخنیکونو سره بلدولو لپاره، د ننګرهار ولایت د ۲۳ ولسوالیو څخه د ۱۶۳ تنو مسلکي پراختیا روزونکو لپاره "د اغېزمن تدریس او زدهکړې" په اړه ۹ ورځنی ورکشاپ، دیاد ولایت پوهنې رئیس محترم شیخ محمد شریف حلیمي په حضور کې ترسره شو.
د فاریاب او بدخشان ولایتونه
د فاریاب او بدخشان ولایتونو څخه راپورونه ښیي چې، د تدریسي مهارتونو لا ښهوالي او د معیاري تدریسي مېتودونو سره د ښوونکو بلدولو لپاره، د فاریاب ولایت د اندخوی، قرمقول او قرغان ولسوالیو د ۳۷ تنو مسلکي غړو لپاره د "اغېزمن تدریس او زدهکړې" په اړه علمي ۹ ورځني سیمینارونه ترسره شول او ورته سیمینار د مسلکي پراختیا مرکز او د بدخشان ولایت د ولسوالیو علمي غړو لپاره هم ترسره شو.
