د ولایتونو د پوهنې ریاستونو فعالیتونو ته کتنه
سمنګان
د سمنګان ولایت د پوهنې ریاست، د اداري اصلاحاتو له مسؤلینو، ولسوالیو له استازو او دیني عالمانو څخه یوه کمېټه جوړه کړه او له لسګونو وړ کسانو څخه یې په سپينو بستونو کې دښوونکو د ګمارلو لپاره ازموینه واخیسته.
تمه ده چې دوی به د ياد ولايت په دولتي او خصوصي مدارسو کې د ښوونکو په توګه وګمارل شي.
بغلان
د بغلان ولایت ا/مارتي ریاستونو ترمنځ د همغږۍ غونډه د اقتصاد ریاست په تالار کې جوړه شوه.
په دې کتنه کې الحاج مولوي محمد نور عزیزي د ادارو ترمنځ په همغږۍ، همکارۍ او کاري يووالي خبرې وکړې.
د غونډې نورو غړو هم د ادارو ترمنځ پر همغږۍ او همکارۍ ټینګار وکړ .
د کابل ښار پوهنې رياست
د کابل د پوهنې ریاست چارواکي وايي: د شاوخوا ۱۵ هغو کسانو اسناد چې د ښوونکو د سیالۍ په ازموینه کې يې ګډون کړی وو او په ريزرف کې وو، ارزيابي شول او د اړتیا له مخې په بېلابېلو ښوونځیو کې وګمارل شول.
دغه راز د ښار د پوهنې ریاست اړوند ۷۰ تنه ښوونکي، مامورین او خدماتي کارکوونکي د همدې ادارې د مشرتابه له لوري وارزول شول.
بلخ
د بلخ ولايت د پوهنې رياست د سواد زده کړې د پروګرام مسؤل د دغه ولايت د چهاربولک ولسوالۍ د سواد زده کړې د رياست فعاليتونه له نيږدې وڅارل.
بلخ
د مارمل ولسوال قاري رسول احمد ابوذر، د پوهنې، ملي امنیت او د دې ولسوالۍ د امر بالمعروف ادارې مسؤلینو د ابو عصمت بلخي نارينه ؤ ښوونځي د ازموینې له بهیر څخه لیدنه وکړه.
په دې کتنه کې د مارمل ولسوال د ياد ښوونځي د ستونزو په حل کې د همکارۍ ژمنه وکړه
