د هېواد د دینی مدارسو د مشترک امتحان د خامسه درجې، آزموينې پايلې اعلان شوې
څه موده وړاندې د پوهنې وزارت د اسلامي زده کړو معینیت او لوړو زده کړو وزارتونو ګډې کمېټې، د هېواد په کچه د ۱۴۴۵ هجري قمري کال د ددینی مدارسو د فاضلانو او طالبانو لپاره د خامسه، عالمیه او عالیه درجو لپاره آزموینه واخیسته.
د استادانو او علماوو د علمي پلاوي تر ارزونې وروسته د خامسه درجې ۱۲۴۱۶ تنو ګډون والو له جملې څخه ۶۹۵۰ تنو یې معیاري نمرې ترلاسه کړې، چې د بریالیو نوماندانو پایلې د اړوندو ولایتونو د پوهنې ریاستونو ته استول شوې دي.
په پام کې ده، هغه ط/البان چې په آزموینه کې بریالي شوي، کولای شي، چې خپلې پایلې به د اړوندو ولایتونو له پوهنې ریاستونو څخه ترلاسه کړي.
د پوهنې وزارت د خپلې تګلارې په رڼا کې، د هېواد بچیانو لپاره متوازنو ښوونیزو او روزنیز چوپړونو وړاندې کولو ته ژمن دی او له ټولو هېوادوالو غواړي، تر څو خپل ماشومان مدارسو او ښوونځیو ته واستوي.
د يادونې وړ ده، چې د عالیې او عالمیې درجو پایلې به د لوړو زده کړو محترم وزارت له لورې اعلان کړل شي.
