د هېوادوالو د مادي او معنوي ملاتړ په دوام، دا ځل د لوګر ولایت شریفو خلکو له پوهنیز نظام سره مرسته وکړه
د لوګر ولایت مرکز پل علم ښار اړوند د قلعه بشیر په کلي کې د پوهنې د یو تن ملاتړ شخصیت لخوا د ۷۵۰ زره افغانیو په لګښت ۳ جرېبه ځمکه د یوې دیني مدرسې جوړولو په موخه وقف وشوه.
د لوګر پوهنې ریاست مسئولین وايي، د خلکو او ملي سوداګرو په مالي مرسته به ډېر ژر د دغې دیني مدرسې ودانیزې چارې پیل شي.
د پوهنې وزارت رهبري، د پوهنې په برخه کې د خلکو، په ځانګړې توګه د لوګر ولایت شریفو خلکو له مالي مرستو قدرداني کوي او د خلکو دغه ملاتړ یې د هېواد د پوهنیز نظام په پیاوړتیا کې یو له اغېزناکو عناصرو څخه وباله.
