د هیواد خپلواکۍ سلمې کلیزې په مناسبت د زده کوونکو تر مینځ د فوتبال سیالۍ ترسره شوي
دپوهنې وزارت_پکتیا: د پکتیا ولایت د پوهنې ریاست په نوښت د هیواد خپلواکۍ سلمې کلیزې په مناسبت د غازي امان الله خان تر نوم لاندې فوټبال سیالۍ د نوموړي ولایت د ښوونځیو د زده کونکو تر مینځ تر سره شوي.
په یادو لوبو کې د پکتیا ولایت د مرکز اړوند بیلابیلو ښوونځيو ۵۲ لوبډلو ګډون کړی وو، چې بلاخره د عبدالحۍ ګردیزي او تجربوي عالي لېسو تر منځ پای لوبه ترسره شوه، چې په پایلوبه کې د تجربوی عالي لیسې لومړي مقام تر لاسه کړ.
په هغه غونډه کې چې په همدې مناسبت جوړه شوي وه، د پوهنې رئیس استاد کوچي ځاځي وویل: مونږ ځان مسؤل ګڼو چې زده کوونکو ته د غوره درسي چاپیریال رامنځته کولو سربیره ورته د سپورت اسانتیاوې هم برابرې کړو، د فوټبال سیالیو تر څنګ په همدې ویاړلي نوم غازي امان الله خان د کرکټ لوبې هم پای لوبې ته نږدې دي.
د یادولو وړ ده چې دغه سیالۍ د هیواد د خپلواکۍ د سلمې کلیزې په مناسبت د غازي امان الله خان تر نامه لاندې ترتیب شوې وې چې شاخوا ۱۸ ورځې یې دوام وکړ او د مرکز اړوند بیلابیلو ښوونځيو ۵۲ لوبډلو په کې ګډون کړې وو.
