د هلمند ولایت د ښوونکو د رهایشي نمرو په تړاو د لښکرګاه ښاروال سره ناسته ترسره شوه
د پوهنې وزارت_هلمند: د هلمند پوهنې ریاست د ښوونکو د رهایشي نمرو د ویش لړۍ پر وړاندي د پرتو ستونزو د هوارۍ په موخه بحث ترسره کړ.
په یاده غونډه کې د هلمند پوهنې رئیس په ګډون د هلمند ښاروال، د ښوونکو د اتحادیې مسؤلینو او ښوونکو ګډون درلود او د پنجاب قلعه د سیمي د رهایشي نمرو د ویش لړۍ پر چټکوالي ټینګار وکړ.
د هلمند پوهنې رئیس محمد داؤد شاه صفاري د لښکرګاه ښاروال څخه غوښتنه وکړه چي د ښوونکو د ویش په اړه خپل ټول توان په کار واچوي تر څو ښوونکي د رهایشي نمرو څښتنان شي.
د لښکرګاه ښاروال انجینر عصمت الله صمدي وویل چي د ښوونکو د رهایشي نمرو په ورکړه کي په خپل ټول توان هڅه کوو چي یاده لړۍ پیل کړو.
هغه وویل چي د ویش د لړۍ سره یو ځای به د یاد ښارګوټي سړکونه معلوم کړو.
ښاغلی صمدي وویل چي د امنتي ارګانونو په همکارۍ پر یاده ځمکه د مشیتو کسانو څخه پاکه شي تر څو یادو کسانو ته په بله سیمه کي نمرې ورکول شي.
