د هرات ولایت دیني مدارسو مدیرانو لپاره د اداري اسنادو لارښود سیمینار جوړ شو
د هرات ولایت پوهنې ریاست کارکوونکو مدیریت له خوا، د یاد ولایت د دیني مدارسو مدیرانو او مهتممینو لپاره "د دیني مدارسو د مدیرانو او مامورینو لپاره د ځانګړو اداري مکاتیبو لارښود" تر سرلیک لاندې یو ورځنی سیمینار ترسره شو.
په یاد پروګرام کې به ګډونوالو ته د اداري اسنادو او مکاتیبو ډولونه، فورمې، جوړښت او د مکاتیبو لیکلو طریقې په څېر موضوعات تدریس شي.
د یاد ولایت پوهنې رئیس محترم مولوي رحمتالله «جابر» د سیمینار د پیل په مراسمو کې وویل: "د دغو پروګرامونو پلي کول د احصایوي معلوماتو راټولولو او شننې پروسې په ګړندي کولو او د چارو په لاسمه توګه پرمخ وړلو کې مهم رول لري، چې باید له زدهکړو مهارتونو څخه اعظمي ګټه واخیستل شي."
