د ننګرهار ښوونکو ته د وړتیا لوړونې ورکشاپ پیل شو
د ننګرهار دپوهنې ریاست اړوند د اوه ولسوالیو د ښوونځیو ښوونکو ته د وړتیا لوړونې پنځلس ورځنی ورکشاپ پیل شو. یاد ورکشاپ د پوهنې ریاست په همکارۍ د بنګله دیش هیواد دبرګ موسسي له لوري جوړ شوي دې.
په دې ورکشاپ کې چې د برک بنګله دیش د مرستندویه ادارې له لورې چمتو شوی د اوه ولسوالیو د اته دیرش ښوونځيو دساینسی مضامینو ۱۰۷ تنه ښوونکي پکې برخه لري، چې هره دوره به یې پنځلس ورځې دوام وکړي.
دورکشاپ ګډونوالو ته به په دې موده کې د تدریس نوي میتودونه او د اړونده مضمونونو د موضوعاتو په اړه مالومات ورکول کیږي او هم به دتدریس په بهیر کې د هغوې ستونزو ته حل لارې موندل کیږي او همدارنګه به ددغو مضامینو په اړه دهغوې پوښتنې ځوابیږې.
د ننګرهار د پوهنې ریاست په پام کې لري، چې د اوړي رخصتۍ نه په ګټه اخیستنې سره به دښوونکو دظرفیتونو لوړولو لپاره بېلابېل پروګرامونه پلې کړي.
