د ننګرهار د زده کوونکو ترمنځ د سولې مقالو لیکلو سيالۍ ترسره شوې
د ننګرهار ولایت دپوهنې ریاست په نوښت د ننګرهار په روداتو،مومندرې او کوز کونړ ولسوالیو کې د ښوونځیو ترمنځ د سولې مقالو لیکلو سیالۍ ترسره شوې.
یادې سیالۍ چې تر دې وړاندې د ولسوالیو د ښوونځیو ترمنځ ترسره کېدې،له بشپړیدو وروسته د ولسوالیو په کچه ترسره شوې،چې د روداتو ولسوالۍ څخه محمد عمر لومړی، محمد اصف دویم او یحیی دریم مقامونه خپل کړل .
همدا راز د کوز کونړ ولسوالۍ په کچه د سولې اړوند د غوره مقالو د لیکلو او لوستلو له امله سلما لومړی،مقصودې دویم او ثنا دریم مقام تر لاسه کړی دی .
په مومندرې ولسوالۍ کې هم د ولسوالۍ په کچه د ښوونځیو د زده کوونکو ترمنځ د سولې اړوند د مقالو لیکلو او لوستلو سیالۍ بشپړې شوې،چې د لومړي څخه تر دریم مقام ګټوونکو ته ځآنګړې ډالۍ ورکړل شوې .
