د میدان وردګ ولایت په جغتو ولسوالۍ کې د کانکور آزموینې د چمتووالي کورس پرانیستل شو
د میدان وردګ ولایت جغتو ولسوالۍ د اوسېدونکو د خیریه بنسټ په مالي مرسته، د همدې ولسوالۍ په ګربت امام ابوحنیفه «رحمه الله» لېسه کې د دولسم ټولګي زده کوونکو ته د کانکور آزموینې د چمتووالي کورس پرانیستل شو.
د یاد ولایت د پوهنې ریاست مسئولینو په وینا، په پام کې ده چې په دغه کورس کې به اړوند استادان د یو کال لپاره اضافي ساینسي مضامین تدریس او د ښوونکو معاشونه به د یاد خیریه بنسټ له خوا ورکول کېږي.
د پوهنې وزارت رهبري د میدان وردګ ولایت جغتو ولسوالۍ د علم پروره خلکو له دغه نېک احساس څخه قدرداني کوي.
