د معارف سره د ولسونو د همکارۍ په دوام
د خوست ولایت دمندوزیو ولسوالۍ دشهید خان محمد عالي لېسې سره په هند کې میشت افغان ډاکټر رحمت الله ګوهر د۲۳ زره افغانیو مرسته کړې ده.
یاده مرسته د پوهنې بهیر په ملاتړ او د یادې لېسې دچهار دیوالی د سترې دروازې او هم یې ددې لېسې د ادارې سره د یو شمېر نورو لوازمو او ستونزو د هوارولو په موخه شویده ده.
د پوهنې ریاست مشرتابه له قدرمن ګوهر صاحب څخه مننه او قدرداني کوي له نورو شتمنو هېوادوالو هم غواړي چې د زده کوونکو لپاره د مناسب درسي چاپېریال په برابرولو کې له خپلو نېږدې ښوونځیو سره همکاري وکړي.
