د مرکز او ولایتونو له پوهنې ریاستونو څخه د ځینو خبرونو لنډیز
- کابل
د کابل ولایت د بګرامیو ولسوالۍ بتخاک ښوونځي لپاره د۴۰ زره افغانیو په لګښت، د څښاک پاکو اوبو سیسټم د همدې ولسوالۍ د علم پروره شخصیت الحاج مهتاب الدین زارع په مالي مرسته جوړ شو.
- لوګر
د لوګر ولایت بره کي برک ولسوالۍ اړوند، د شاه ابوالفضل عالي لېسې ۹۰ غیر فعال مېزونه او څوکۍ د ۱۰ زره افغانیو په لګښت د ښوونکو او د ښوونځي ادارې لخوا ترمیم شوې.
- پکتیکا
د پکتیکا ولایت ارګون ولسوالۍ اړوند د بالش لېسې لپاره د څښاک پاکو اوبو څاه کیندلو چارې، د ۹۰ زره افغانیو په لګښت د شاهد افغان لخوا چې د یاد ولایت یو له مشهورو شخصیتونو څخه دی، پیل شوې.
- د یاد ولایت څخه د یو بل خبر له مخې:
د پکتیکا ولایت پوهنې ریاست سره د یوې همکارې ادارې لخوا د صنفي اصولو د درسي کتابونو ټولټال ۹۱۱۰ سېټونه مرسته وشوه.
